نبدأ بسم الله
ده القماشه ورسمتها
وجبت فايبر وحشيت بالزياده لاني عايزه اعمله لحاف طخين زي ما قلت علشان افرشه لابني يقعد عليه يكون طري تحت منه ولو مال كده ولا كده يكون متحاوط بحاجه طريه
وبدأت اشتغل اللحاف واعمل فيه الغرز وخدوا بالكم من غير ما اقفل طرف اللحاف اللي انا حشيت منه علشان لو طلع فيه زياده فايبر اشيلها وده اللي حصل .... وده الخيط اللي انا اشتغلت بيه وهو عباره عن الدوبار اللي كان ملفوف بيه العفش بتاعي
وبدأت اعمل تقفيلات على الحروف علشان الفايبر ميهربش وميبقاش الحرف عالي زياده عن اللزوم وانا موضحه بالاسهم
وعملت الخياطات 3 جوانب بس وسيبت اخر جنب اللي هو مفتوح اللي انا حشيت منه الفايبر وده علشان اطلع الزياده وعلشان اعدل الفايبر لو فيه حته اكتر من التانيه
وبعد ما عملت الخياطات والغرز قفلت الجنب الرابع لحد النص وسبت برضه حته مفتوحه احتياطي
بالنسبه لخياطه الجنب الرابع فهيا حتكون يدوي طبعا فعايزينها تبان كأنها خياطه داخليه زي بقيت الحروف علشان منظر اللحاف يبقى حلو .... يعني تبقى كده
طب ده حنعملها ازاااااااي؟ حقولك انا والصور حتشرح اكتر
انتي حتيجي على حرف القماشه وتسيبي واحد سنتي كده وتعملي بالابره زي الصوره كده
ونيجي على الناحيه التانيه ونعمل نفس الحكايه برضه حنسيب حته ونعمل بالابره زي الصوره
وبعدين حنشد الخيط لبره زي ما السهم موضح كده حتلاقي كأنك مخيطه الحرف من جوا زي الماكينه بالظبط
وبعدين خيطت الضلع الرابع اللي انا سيبته في الاول وده بعد ما سويت الفايبر وطلعت الزيادات وبقى كله تمام وبرضه سايبه حته مفتوحه علشان ادخل ايدي منها اساوي الفايبر قبل ما اقفل خالص
وهنا قفلته خالص وقفلت كمان الحته اللي كانت مفتوحه بنفس طريقه الخياطه اللي شرحتها قبل كده وده شكله
وهنا عملت نغزات في النص علشان بس تمسك الفايبر في النص
منقول